Hnang Patas Suyang Kari Truku 太魯閣族語有聲聖經

Patas Matay, tg4 spgan, tg1 qnay ni bitaq tg11 qnay.

馬太福音  第4章  第1-11節 

有聲連結：Pspngan Quri Naqih ka Yisu
(經文由台灣聖經公會提供太魯閣語聖經/現中2019版)

Pspngan Quri Naqih ka Yisu 耶穌受試探

4:1 ( Maruku 1:12-13 Ruka 4:1-13 )
Lmutut hiya ka Yisu o ddulun Bgihur Suyang musa tadus breenux ni pspngan Thowlang Utux Naqih quri naqih.
接著，耶穌被聖靈帶到曠野去，受魔鬼試探。

4:2
Kiya ni ptgaya ini ekan 40 jiyax ni 40 rabi. Babaw na siida do meuray da.
禁食四十晝夜後，耶穌餓了。

4:3
Miyah ka empspung quri naqih ni rmngaw hyaan, “Nasi su laqi Utux Baraw o rngagi saw mha maa bawa ka btunux nii!” msa.
那試探者上前對他說：「既然你是上帝的兒子，命令這些石頭變成麵包吧！」

4:4
Kiya ka kiya ni smiyuk rmngaw ka Yisu,“ ‘Aji wana bawa nanak ka skeudus seejiq, mnda kngkingal kari rnngaw Utux Baraw ka skeudus’ msa ka ga spatas Patas Suyang”sun na.
耶穌回答：「聖經說：『人的生存不僅是靠食物，而是靠上帝所說的每一句話。』」

4:5
Siida ka Thowlang Utux Naqih o dsun na suyang alang ka Yisu ni phyigun na dudux yuyuq Sapah Suyang ni rngagan na:
魔鬼又帶耶穌到聖城，讓他站在聖殿的最高處，

4:6
“Nasi su laqi Utux Baraw o pstaril truma binaw.‘Utux Baraw o isu ka sskagul na dsnkgulan na baraw. Gnama su dha baga aji ttgsbut btunux ka qaqay su’yasa msa ka ga spatas”msa.
對他說：「既然你是上帝的兒子，你跳下去；因為聖經說：上帝要為你吩咐他的天使；他們要用手托住你，使你的腳不至於在石頭上碰傷。」

4:7
Rmngaw hyaan ka Yisu, “ ‘Iya pspngi quri naqih ka Utux Baraw su Thowlang’ msa duri ka ga spatas” sun na.
耶穌回答：「可是聖經也說：『不可試探主—你的上帝。』」

4:8
Duri ni Thowlang Utux Naqih o dsun na bbaraw dgiyaq ka Yisu ni spqita na hyaan ka kana klwaan babaw dxgal ni knrdax dha.
最後，魔鬼帶耶穌上了一座很高的山，把世上萬國和它們的榮華都給他看。

4:9
Kiya ni rmngaw hyaan, “Nasi su tmbqlit thmuku knan do bgay mu sunan ka kana nii” msa.
魔鬼說：「如果你跪下來拜我，我就把這一切都給你。」

4:10
Rmngaw hyaan ka Yisu, “Satang, usa! ‘Thmkui Utux Baraw su Thowlang ni qpahi hyaan nanak’ yasa msa ka ga spatas” sun na.
耶穌回答：「撒但，走開！聖經說：『要拜主—你的上帝，唯獨敬奉他。』」

4:11
Kiya ni smwayay hyaan ka Thowlang Utux Naqih ni miyah smblaiq hyaan ka sngkgulan baraw.
於是，魔鬼離開了耶穌，天使就前來侍候他。

----------------------------------

🔊Hnang Patas Suyang Kari Truku 收聽平台🔊
Firstory：https://open.firstory.me/user/cl1xnchm70by701w83zhnaw5z
Spotify：https://open.spotify.com/show/1FFI4vrTEf8YLTYBHrFteg
KKBOX：https://podcast.kkbox.com/tw/channel/8pfKf4BRNWAxWhlruH
SoundOn：https://bre.is/9myQCh9t
Apple Podcast：https://bre.is/6g9PYLvx